Мамлакатимизда солиқларни ким жорий этади? Солиқларнинг қандай турлари бор?

Ўзбекистон Республикаси Конституциясининг 123-моддасига мувофиқ, Ўзбекистон Республикаси ҳудудида ягона солиқ тизими амал қилади. Солиқлар жорий қилишга фақат Ўзбекистон Республикасининг Олий Мажлиси ҳақли.

Ўзбекистон Республикаси Солиқ кодексида белгиланишича, солиқларга қуйидагилар киради:

• юридик шахслардан олинадиган фойда солиғи;
• жисмоний шахслардан олинадиган даромад солиғи;
• қўшилган қиймат солиғи;
• акциз солиғи;
• ер қаъридан фойдаланувчилар учун солиқлар ва махсус тўловлар;
• сув ресурсларидан фойдаланганлик учун солиқ;
• мол-мулк солиғи;
• ер солиғи;
• бензин, дизель ёқилғиси ва газ ишлатганлик учун олинадиган солиқ.